Ministrja e Mjedisit dhe Planifikimit Hapësinir, Albena Reshitaj sot së bashku me deputetin Islam Pacolli kanë vizituar komunën e Mitrovicës.

Gjatë ëksaj vizite Reshitaj ka thënë se bashkë me kryetarin e Komunës së Mitrovicës, Agim Bahtirin kanë nënshkruar gjashtë projekte sipas saj madhore në qytetin e Mitrovicës.

Statusi i plotë:

Plotë gjashtë projekte madhore në qytetin e Mitrovicës

Sot së bashku me deputetin e Kuvendit të Kosovës z. Islam Pacolli vizituam Komunën e Mitrovicës.

Gjatë kësaj vizite bashkë me kryetarin e Komunës së Mitrovicës, z. Agim Bahtiri, nënshkrova Memorandum Mirëkuptimi dhe Bashkëpunimi për gjashtë projektet madhore që Ministria e Mjedisit dhe Planifikimit Hapësinor do të realizoj në Komunën e Mitrovicës.

Lista e projekteve që Ministria do t’i realizoi në vitin 2018 janë: Kopshti Botanik; Ujësjellësi Shipol-Brus; Kanalizimi dhe ujësjellës të tjerë; Kanalizimi në Frashër, Rregullimi i shtratit të lumit Ibër; Rregullimi i shtratit të lumit Sitnicë dhe Ndërtimi i shtëpisë së peshkatarëve në liqenin akumulues në Suhadoll.

Vlera totale e këtyre projekteve arrin vlerën prej 2.5 milionë euro.

Urime qytetarë të Mitrovicës, qytet i minatorit, simboli i rezistences e sakrificës për Liri e Pavarësi.